Ф.Вүүдс Монгол Улсын иргэншил хүсээд зогсохгүй шигшээ багт орох хүсэлтээ өгчээ

Энэ жилийн бүх оддын тоглолтын хувьд өм­нөх жи­лүүдийнхтэй харьцуу­лахад илүү өрсөлдөөнтэй, үзүүш­тэй болно гэдгийг хол­бооныхон болон тамирчид хэлж байв. Учир нь энэ удаа тоглож байгаа легонерууд өм­нө­хөөсөө илүү мэргэжлийн түвшний тамирчид гэнэ.

Түүнчлэн “Дорнод Танан гарьд” багийн тоглогч Ф.Вүүдс Монгол Улсын иргэншил хүсээд зогсохгүй шигшээ багт орох хүсэлтээ илэрхийлсэн анхны гадны тоглогч болж байгаа юм.

Тэгвэл түүний энэ хү­сэлтийн талаар Монголын үндэсний сагсан бөмбөгийн холбооны ерөнхий нарийн бичгийн дарга С.Тулга “Өндөр зэрэглэлийн тамир­чин ийм хүсэлт гаргасанд баяртай байгаа. Хэрвээ хүсэлтийг хүлээж авах юм бол манайх Азидаа дээ­гүүрт орохоор хүчирхэг баг болно” хэмээж байсан юм.