МАХН МАН боллоо

МАХН-ын XXVI Их хурал үргэлжилж байгаа билээ. Өчигдөр 19.00 цагийн үед тус нам МАХН нэрээ солих асуудлаа хэлэлцэн Монгол Ардын нам гэх ууган нэрээ хурлын төлөөлөгчдийн дийлэнх нь сонгожээ.

Мөн тус намын их хурлын бас нэгэн сонирхол татсан асуудал нь одоогийн намын дарга С.Батболдыг ёсчлох  байсан. Түүнийг намын их хурлаар ёсчлох үед заалнаас УИХ-ын  гишүүн Ө.Энхтүвшин намын даргад нэрээ дэвшүүлсэн юм. Ингэж нууц санал хураалт явуулахад их хурлын төлөөлөгчдийн 85 хувь нь С.Батболдыг дэмжин түүнийг намын даргаар хэвээр нь үлдээлээ. МАН-ын өчигдрийн их хурал өнөөдөр өглөөний 05.00 цагийн үед тарлаа.

Өнөөдөр тус намын Бага хурал 14.00 цагаас үргэлжлэх юм. Тус хуралдаанаар намын удирдах зөвлөлийн гишүүдийг шинээр сонгох зэрэг асуудлыг хэлэлцэнэ.

Ч.Болор